Fara í efni

Drangey 1. júlí 2022

Sannkölluð ævintýraferð um heillandi náttúru og söguslóðir.

Ferðin hefst á Akureyri, farið með ökuleiðsögumanni til Sauðárkróks en þar er tekið stutt þægindastopp fyrir siglinguna út í Drangey. Eftir að komið er um borð í bátinn er leiðsögn í höndum heimamanna sem gjörþekkja sögu og lífríki eyjunnar.

Reikna má með að ferðin út í Drangey taki um fjórar klukkustundir. Sjálf siglingin er þægileg, tekur 30 mín hvora leið og oftar en ekki láta hvalir og selir sjá sig á leiðinni. Eyjan er einstök náttúruperla í miðju Skagafjarðar, nálægðin við fjölbreytt fuglalífi í bjarginu er mikil og þaðan er frábært útsýni yfir allan fjörðinn. 

Áætluð koma til Akureyrar er um kl. 01:30.

Ferðaáætlun

Drangey - kvöldsigling

Brottför kl. 17:30 frá Akureyri.

  • Áður en siglingin hefst er tími fyrir sjoppustopp á Sauðárkróki og stutta skoðunarferð um bæinn.
  • Siglingin frá Sauðárkróki út í Drangey tekur um 30 mínútur. Leiðsögn um eyjuna er í höndum heimamanna.
  • Skoðunarferðin um eyjuna tekur 2-3 klst.
  • Áætluð koma til Akureyrar er um kl. 01:30.

Hvað þarf að taka með

  • Góða skó
  • Hanska 
  • Fatnað sem hæfir veðri
  • Nesti