Fara í efni

Stuðlagil og Möðrudalur á Fjöllum 21. júlí

Tvær frábærar náttúruperlur á einum degi.

 Farið frá Akureyri kl. 08:00 og ekið austur á Jökuldal. Stoppað á Skjöldólfsstöðum þar sem hægt verður að kaupa hádegishressingu. Því næst ekið sem leið liggur upp á Efri-Jökuldal og gengið eftir slóða frá Stuðlafossi að Stuðlagili en um fremur létta 6 km göngu er að ræða. 

Eftir gönguna er haldið af stað í áttina til Akureyrar. Fyrst er stutt þægindastopp á Skjöldólfsstöðum en síðan ekið um Fjallgarðana, þ.e. gömlu leiðina í Mörðrudal á Fjöllum. Dvalið í um það bil eina klukkustund í Fjallakaffi þar sem hægt verður að kaupa veitingar og skoða sig um á staðnum.

Að lokum verður ekið sem leið liggur til Akureyrar en áætlaður komutími þangað er um kl. 20:00.

Ferðaáætlun

Stuðlagil og Möðrudalur á Fjöllum

Viðkomustaðir í ferðinni:

  • Reykjahlíð í Mývatnssveit
  • Skjöldólfsstaðir
  • Stuðlafoss og Stuðlagil
  • Möðrudalur á Fjöllum

Hvað þarf að taka með

  • Fatnaður sem hæfir veðri og aðstæðum.
  • Góðir gönguskór.
  • Göngustafir geta komið sér vel.
  • Nesti og drykkir fyrir daginn.

Flokkar

  • Bus or minivan tour
  • Day trips and excursions
  • Nature
  • Walking tour
  • Sightseeing

Tungumál leiðsögumanns

  • Íslenska