Akstursnámskeið í Þýskalandi

SBA-Norðurleið fór á dögunum með hóp starfsmanna til Þýskalands í akstursöryggisnámskeið á vegum Ökulands í samstarfi við Mercedes-Benz / Daimler Truck. Námskeiðið er nýtt sem hluti þeirrar endurmenntunnar sem atvinnubílstjórar þurfa að gangast undir á fimm ára fresti áður en ökuréttindi eru endurnýjuð. Á námskeiðinu voru ökumenn þjálfaðir í ökuleikni, akstri við varhugaverðar aðstæður í snjó og hálku auk neyðarhemlunar framhjá hindrunum.