Fyrirtækið

SBA-Norðurleið sérhæfir sig í útleigu hópferðabifreiða og er eitt stærsta fyrirtæki sinnar tegundar á Íslandi, með starfsstöðvar á Akureyri og í Reykjavík. Fyrirtækið hóf starfsemi sína árið 1980 og hefur byggt upp sterka og trausta starfsemi í gegnum árin.

Hjá SBA-Norðurleið starfa um 70 manns allt árið um kring, en yfir sumartímann eykst starfsmannafjöldinn í allt að 200. Bílaflotinn telur um 110 vel útbúnar og nýlegar bifreiðar sem rúma 6–70 farþega í sæti. Flotinn samanstendur af fólksbílum, hópferðabílum, grindarbílum og fjórhjóladrifsbílum. Allar bifreiðar eru útbúnar 5G þráðlausu neti og flestar þeirra hafa USB-tengi í farþegarými.

Öryggi og þægindi farþega og starfsmanna eru ávallt í forgangi hjá SBA-Norðurleið. Fyrirtækið leggur metnað í að velja viðeigandi bifreið fyrir hvern hóp, með hliðsjón af færð, aðstæðum og þörfum hverju sinni.

Verkstæði eru starfrækt á báðum starfsstöðvum fyrirtækisins og annast SBA-Norðurleið allt viðhald á eigin bílaflota. Að auki hafa nokkrir grindarbílar verið endursmíðaðir innan fyrirtækisins.

Gildi fyrirtækisins eru: Gæði - Öryggi - Áreiðanleiki

Eigendur fyrirtækisins eru:

• Gunnar M. Guðmundsson, framkvæmdastjóri.
• Ferðaskrifstofan Atlantik
• Bílaleiga Akureyrar - Höldur
• KEA fjárfestingafélag