SBA-Norðurleið kaupir Mývatn Tours

Á dögunum festi SBA-Norðurleið kaup á Mývatn Tours sem í meira en 45 ár hefur staðið fyrir áætlunarferðum frá Mývatnssveit í Öskju og Herðubreiðarlindir. Reksturinn er að mestu bundinn við júlí og ágúst þegar hálendisvegir eru opnir, þó að færð geti verið ótrygg framan af sumri.

Með kaupunum styrkir SBA-Norðurleið stöðu sína enn frekar á sviði ferðaþjónustu á Norðurlandi og tekur við rekstri sem hefur um áratugaskeið verið mikilvægur hlekkur í ferðum ferðamanna um hálendi Íslands. Ferðirnar til Öskju og Herðubreiðarlinda hafa lengi notið vinsælda bæði meðal innlendra og erlendra ferðamanna, enda um að ræða einstaka náttúruupplifun á einu af afskekktustu og hrífandi svæðum landsins.

Áhersla verður áfram lögð á öruggar og vel skipulagðar ferðir, þar sem tekið er mið af aðstæðum á hálendinu hverju sinni. Vegna breytilegs veðurfars og ófyrirsjáanlegrar færðar getur upphaf tímabilsins ráðist af aðgengi að hálendisvegum, en yfir hásumarið er jafnan boðið upp á reglulegar ferðir fyrir ferðafólk sem vill kynnast þessari sérstæðu náttúruperlu.